Учалы районына Германиянан һыйырҙар килтерҙеләр

Башҡортостанда ил Президенты Владимир Путиндың май указдарында билдәләнгән “Халыҡ-ара кооперация һәм экспорт” милли проекты уңышлы тормошҡа ашырыла.

Учалы районының "Байрамғол" агрофирмаһы һөтсөлөк комплексы ошо көндәрҙә сит илдән килтерелгән малдар менән тулыланды. Хужалыҡҡа Германиянан 476 баш голштин-фриз тоҡомло таналар ҡайтарылды. Уларҙы махсус йыһазландырылған автомобилдәрҙә килтергәндәр.

“Оҙайлы юлды бәлә-ҡазаһыҙ, яҡшы ғына үттеләр, иҫән-һау быҙаулап, күпләп һөт бирә башлаһындар инде”, - тигән теләктәрен белдерә хужалыҡ хеҙмәткәрҙәре.

Әйткәндәй, "Байрамғол" агрофирмаһы был тоҡомло һыйырҙарҙы беренсе тапҡыр алмай. "Голштин"дар йылына уртаса 8 мең килограмм һөт бирә, Уралдың ҡаты һыуыҡтарына ла бирешмәй.

#ВладимирПутин#национальныепроекты#нацпроекты

#региональныепроекты#регпроекты#нацпроектыБашкортостан

Фото: Учалы хакимиәте сайтынан.