Быйыл Өфөлә Яңы йыл атмосфераһы үҙенсәлекле буласаҡ

Быйыл Өфөлә йәшәүселәр һәм башҡала ҡунаҡтары бөтөнләй яңыса ҡышҡы иллюминация инсталляциялары (күләмле композициялар) менән һоҡлана ала. Улар - Париж, Стамбул, Мәскәү һәм башҡа эре ҡалаларҙы үҙенең эштәре менән биҙәгән бөтә донъяға билдәле Италия рәссамы һәм яҡтылыҡ архитекторы Валерио Фести композициялары.

Башҡортостан Республикаһы башлығы Радий Хәбиров белдереүенсә, иллюминацияларҙы ҡалаға республиканың эре предприятиеларының береһе бүләк иткән.