Районда «Уңыш» агрофирмаһы 1,5 мең үгеҙгә иҫәпләнгән фидлот асты

Һөт малсылығында үҙенең проекттары менән билдәле «Уңыш» ауыл хужалығы предприятиеһы ит йүнәлеше буйынса ла эш башланы. Хужалыҡтың Солтанморат һөт-тауар фермаһында һимертеү майҙансығы асылды. Бында 1500 үгеҙ иҫәпләнә.

Ишле ауылында 3 мең башҡа тағы бер фидлот төҙөү планлаштырыла. Һимертеү майҙансыҡтарында үгеҙҙәр 600 килограмға тиклем үҫтерелә.

«Үҙҙәрендә етештерелгән мал аҙығында тәүлек әйләнәһенә эшләгән фидлоттар килемле, сөнки капиталь малсылыҡ биналары кәрәкмәй», — тип аңлаталар республика Ауыл хужалығы министрлығында.

Ведомствола белдереүҙәренсә, республикала ит малсылығын үҫтереү программаһы эшләй. Биш йыл дауамында тере ауырлыҡта мал һәм ҡош етештереүҙе 500 мең тоннаға тиклем еткереү күҙаллана.