“Урал” хужалығы яҡшы уңыш йыйҙы

“Урал” ауыл хужалығы кооперативында көнбағыш йыйыуҙы, кукурузды силосҡа һалыуҙы теүәлләнеләр.

Шулай уҡ шәкәр сөгөлдөрөн дә ҡаҙып алып бөттөләр.

Хәҙер инде хужалыҡта татлы тамыраҙыҡты Мәләүез һәм Раевка шәкәр заводтарына оҙатыу менән мәшғүлдәр.

Ауыл хужалығы идаралығы мәғлүмәттәре буйынса, 29 октябргә ҡарата “Урал” эшсәндәре 14400 тонна сөгөлдөр тапшырған. Уңышлылыҡ бер гектарҙан 400 центнер тәшкил итә. Район буйынса был күрһәткес уртаса 373 центнер.