Ауырғазы юлсылары яңы техникалы булды

Ауырғазы юл төҙөү-ремонтлау идараһына яңы автогрейдер һәм трактор асҡыстары тапшырылды

17 октябрҙә «Башкиравтодор» акционер йәмғиәте филиалы производство әҙерләү идараһында төбәк һәм муниципаль-ара дөйөм ҡулланылыштағы автомобиль юлдарында юл эштәрен башҡарыу өсөн юл техникаһын тантаналы тапшырыу сараһы үтте.

«Башкиравтодор» йәмғиәтенә 54 берәмек техника - автогрейдер, каток, экскаватор, 30 тонналы үҙбушатҡыстар, тейәүсе машиналар, төрлө тракторҙар, разметка эшләүсе машиналар - тапшырылды.

Махсус техника асҡыстарын Башҡортостан Республикаһы Башлығы Радий Хәбиров, премьер-министр урынбаҫары вазифаһын ваҡытлыса башҡарыусы Рәиф Абдрахманов, Транспорт һәм юл хужалығы дәүләт комитеты рәисе вазифаһын ваҡытлыса башҡарыусы Тимур Мөхәмәтйәнов тапшырҙылар. Предприятиеның 36 филиалы етәксеһе төрлө техника алды.

Ауырғазы юл төҙөү-ремонтлау идараһына ла яңы техника - автогрейдер һәм трактор - асҡыстары тапшырылды.