18-20 сентябрҙә Мәскәүҙә Башҡортостандың 100 йыллығы билдәләнде

18-20 сентябрҙә Мәскәүҙә Башҡортостандың 100 йыллығы билдәләнде.

Мәскәүҙең төрлө майҙансыҡтарында һаулыҡ һаҡлауға, мәғарифҡа, бизнесҡа, туризмға арналған түңәрәк өҫтәлдәр һәм стратегик сессиялар ойоштородо.

18 сентябрҙә П.И. Чайковский исемендәгеконцерт залында Фәйзи Ғәскәров исемендәге дәүләт халыҡ бейеүҙәре ансамбле сығыш яһаны.

19 сентябрҙә башҡорт кинофильмдары күрһәтелде, шул уҡ көндө "Красная Пресня" мәҙәни һәм ял итеү паркында «Башҡортостан – Евразия йөрәге» тигән фотокүргәҙмә асылды, ул 30 сентябргә тиклем эшләйәсәк.

«Зарядье» үҙәгендә Башҡортостанда ойоштороу күҙалланған ике ҙур сара – Бөтә донъя фольклориадаһы-2020 һәм Апимондия-2021 менән таныштырыу булды. Теләгәндәр туҡыусылыҡ, тамбурлы сигеү, кейеҙ келәм, милли биҙәүестәр әҙерләү, өзләү, хореография, милли уйын ҡоралдарында уйнау, милли уҡтан атыу һәм фольклор буйынса оҫталыҡ дәрестәрендә ҡатнаша алды.

Баш ҡалала Башҡортостан Республикаһы көндәре 20 сентябрҙә «Зарядье» паркының ҙур амфитеатрында тамамланды. Был көндө Мәскәүҙә Башҡорт мәҙәни үҙәген асыу тантанаһы