Ауырғазылар һайлауға ғаиләләре менән бара

Талбазыла йәшәүсе Луиза һәм Филәрит Салауатовтар һайлауға бөтә ғаилә ағзалары менән килгән.

Өлкәндәр менән бергә уларҙың ҡыҙҙары Лилиә Абдуллина һәм ейәндәре Даниил да мөһим саранан ситтә ҡалмаған.

Шулай уҡ Талбазыла йәшәүсе афғанлы,шәхси эшҡыуар Асиль-хан Сәхиб-хан 1858-се һайлау участогына ғаиләһе менән бергә килгән.

- Беҙ Рәсәй һәм Башҡортостан граждандары булараҡ, һайлауҙарҙан бер ҡасан да ситтә ҡалмайбыҙ. Был көн - беҙҙең өсөн ҙур байрам. Илебеҙҙә тыныслыҡ булһын, кешеләр мул тормошта йәшәһен, тип теләйбеҙ,- ти эшҡыуар