Яҡташыбыҙ өсөн тауыш бирәйек!

Әйҙәгеҙ, дуҫтар, яҡташыбыҙ өсөн әүҙем тауыш бирәйек! Бының өсөн түбәндәге һылтанма аша үтегеҙ: https://vk.com/gazetabashkortostan?w=wall-104965500_304360

Рәйсә Усман ҡыҙы әүҙем, тырыш педагог. Ул «Башҡорт теле һәм әҙәбиәте йыл уҡытыусыһы-2018» республика һөнәри бәйгеһендә В.А.Сухомлинский исемендәге «Йөрәгемде балаларға бирәм» номинацияһына лайыҡ булды. III һәм VI республика «Ҡатын-ҡыҙ -милләт әсәһе» конкурстары финалисы, «Үргә ос!» республика мәғариф проектында «Интерактив башҡорт теле» модуле буйынса ҡатнашыусы. Шулай уҡ Ауырғазы районы башҡорттары ҡоролтайы ҡарамағындағы ата-әсәләр комитеты рәйесе, «Милли кейем – халҡым мираҫы», «Иң яҡшы башҡорт һәм рус теле уҡытыусылары», «Халҡым йөҙө - 100 ҡатын ҡыҙ» республика конкурстары еңеүсеһе.

«Бергә» ирекмәндәр төркөмө етәксеһе, махсус хәрби операцияла ҡатнашыусыларға ярҙам йөҙөнән ойошторолған «Яугирҙәргә ойоҡтар!», «Окоп шәмдәре» акцияларында әүҙем ҡатнаша. Өлгөр педагог район, республика баҫмалары менән хеҙмәттәшлек итергә лә өлгөрә.

Тауыш биреүҙән ситтә ҡалмағыҙ! Рәйсә Усман ҡыҙына уңыштар теләйбеҙ!