12 АПРЕЛЬ – БӨТӘ ДОНЪЯ КОСМОНАВТИКА КӨНӨ. КҮРГӘҘМӘГӘ КИЛЕГЕҘ!

Күргәҙмә Дәүләкән районы Калиновка ауылында ойошторолған аэрокосмик мәктәптә ҡатнашыусылар тормошонан төрлө мәлдәрҙе сағылдыра. Күп йылдар дауамында был мәктәп космос менән ҡыҙыҡһынған талантлы балалар, А.Ф.Можайский иесмендәге авиация һәм һауала осоу тарихы буйынса халыҡ-ара олимпиадаларҙа еңеүселәр өсөн үҙ ишектәрен аса.

Мәктәп тормошонда космонавтар әүҙем ҡатнаша. Улар тәжрибәләре менән уртаҡлаша, үҙҙәренең өлгөһөндә, һайлаған юлдарына тоғро булыуҙары менән уҡыусыларҙы дәртләндерә, млһамландыра.

Күргәҙмәлә ҡуйылған 90-дан ашыу эш мәктәптең көнкүреше тураһында һөйләй, мауыҡтырғыс та, ҡатмарлы ла космонавт һөнәренең башланғысы менән танышырға саҡыра.

Күргәҙмә 16:00 сәғәттә асыла.

Сығанаҡ: https://vk.com/minkultury_rb