Һауа торошо - союздаш, тауҙар - еңеүҙәрҙең шаһиты

Во время церемонии торжественного открытия с  приветственной речью выступил   заместитель главы администрации Абзелиловского района по социальным вопросам  Вадим Гафаров.

Тантаналы асыу церемонияһында Әбйәлил районы хакимиәте башлығы урынбаҫары Вадим Ғафаров сәләмләне:

«Хәйерле көн, хөрмәтле спортсылар, ҡәҙерле ҡунаҡтар! Әбйәлил районы хакимиәте исеменән ярыштар башланыуы менән ҡотлайым. Һеҙ бөгөн бында йыйылып, бөтә спорт оҫталығығыҙҙы һәм күнекмәләрегеҙҙе, һәм, әлбиттә, спортҡа ҙур тоғролоғоғоҙҙо мөмкин тиклем күрһәтәсәкһегеҙ. Еңеүҙәр һеҙҙең ныҡышмалылығығыҙ, тырышлығығыҙ, хеҙмәтегеҙ өсөн лайыҡлы награда булһын. Барыһына ла сағыу эмоциялар, уңыштар һәм иң тиҙ финиш теләйем!»

Йыйылыусыларҙы Магнитогорск металлургия комбинатының «Юбилей» шифаханаһының коммерция буйынса идаралығы начальнигы Наталья Кунгурцева ҡотланы: «Металлург-Магнитогорск тау саңғыһы үҙәгендә Бөтә Рәсәй Спартакиадаһында ҡатнашыусыларҙы күреүемә шатмын. Ярыштар иң юғары ойоштороу кимәлендә үтер, тип ышанам. Бында булыу һәр берегеҙҙең күңелендә онотолмаҫлыҡ күңелле тәьҫораттар ҡалдырһын. Һеҙгә спортта һәм шулай уҡ шәхси ҡаҙаныштар теләйбеҙ».

Бөтә Рәсәй һаңғырауҙар спортыфедерацияһы президенты исеменән ҡотлау һүҙҙәрен Бөтә Рәсәй һаңғырауҙар спорты федерацияһының күмәк спорт бүлеге белгесе Артем Маслов та ҡотланы.

Кисә үк илебеҙҙең төрлө мөйөштәренән – Мәскәү өлкәһенән, Сахалиндан, Тамбовтан, Санкт – Петербургтан, ХМАО - нан, Башҡортостан Республикаһынан 16 спортсы тау саңғыһы үҙәгендә рәсми күнекмә үткәрҙе.

Зөлфир Зәйнуллин, Башҡортостан йыйылма командаһы ағзаһы, спорт мастеры. "Тыуған еремдә булыуыма шатмын, дуҫтарымдың күбеһе х илебеҙҙең шундай матур мөйөшөндә тыуғаныма, унда шундай иҫ киткес тау саңғыһы үҙәге төҙөлгәнлегенә көнләшеп ҡарай. Трасса минең өсөн генә түгел, ә бөтә ҡатнашыусылар өсөн дә ят түгел. Беҙҙең федерация беҙгә бик ныҡ ярҙам итә, даими рәүештә иң яҡшы трассаларҙа күнекмәләр үткәрергә лә, сығыш яһау мөмкинлегенә лә эйә. Бөгөн бөтә район, республика минең өсөн янып тороуын аңлайым, шуға күрә елдән етеҙерәк осорға теләйем!»

Спартакиаданың иң тәжрибәле һәм титуллы спортсыһы Ангелина Хамицевич, халыҡ-ара класлы спорт мастеры, Башҡортостан Республикаһы йыйылма командаһы ағзаһы стартҡа тиклемге тәьҫораттары менән уртаҡлашты:

«Өсөнсө йыл инде Башҡортостаны өсөн сығыш яһайым, бының өсөн мине саҡырған тренер Олег Геннадьевич Ивановҡа бик рәхмәтлемен. Башҡортостан - бөгөн илебеҙҙең иң текә төбәктәренең береһе, унда тау саңғыһы спортын үҫтереүгә ҙур иғтибар бүленә. Абҙаҡта бик яҡшы трассалар. «Металлург - Магнитогорск» тау саңғыһы үҙәгендә беҙҙе бик яҡшы ҡаршы алдылар. Уның битләүҙәре лә беҙгә бик яҡшы таныш, Әммә Спартакиада ваҡытында һауа торошоноң да иҫ киткес булыуы ҡыуандыра. Республика йыйылма командаһының кәйефе хәрби, беҙ еңергә тейешбеҙ!»

Спартакиада башланды, әммә хәҙер үк аңлашыла, был ярыштар ғына түгел, был рух көсөнә гимн, был спортсыларҙың тарихы, уларҙың саңғылары Ҡрыҡты битләүендә еңеү эҙҙәрен ҡалдырасаҡ, уларҙы ел донъяға еткерәсәк: беҙ бергәләп барыһын да эшләй алабыҙ!»