«Ылаҡ» милли уйынында Башҡортостандан һәм Ҡаҙаҡстандан туғыҙ команда ҡатнашты. Беҙҙең райондың йыйылма командаһында Вилнур Ғәлимов, Филгәт Назаров, Малик Назаров, Малик Вәлиев, Илвир Ибраков, Илшат Хужин, Айбулат Лоҡманов, Рушан Вәлитов. Был уйынды өс йыл ғына уйнаһалар ҙә, улар шундай ҙур фестивалдә дүртенсе урынды алды! Бигерәк тә улар Учалы командаһы менән бәйгелә уларҙы еңеүҙәренә ғорурлана.
Шланлы ауылынан Денис Федоров та гәзит уҡыусыларыбыҙға таныш. Ул алты саҡрымлыҡ дистанцияла аты менән еңеүсе булды.
Әлбиттә,көрәш беҙҙекеләрҙең еңеүеһеҙ буламы ни! Төрөмбәт ауылынан Рузил Ғөбәйҙуллин алтын миҙалды ышаныслы яуланы. Мораҙымдан Рөстәм Һатлыҡов өсөнсө урынға сыҡты.
Спортсыларҙы йыраҡ юлда ла, ярыштарҙа ла яндарында булып, уңыштарға илһамландырыусы ғаиләләре булды.
Команданың капитаны Вилнур Ғәлимов алдағы йылдарҙа ла ҡатнашасаҡтарына, тағы ла ҙурыраҡ еңеүҙәргә ирешәсәктәренә ышана:
Спортсыларҙың маҡсаттарына ирешәсәгенә шик юҡ, алда барыһына ла ҙур уңыштар, ғаилә именлеге, бәрәкәтле тормош насип итһен!