САҢҒЫСЫЛАР ӨС МИҘАЛ ЯУЛАНЫ

«Демская тридцатка» тип аталған саңғы ярышы иң ҙур старттарҙың береһе иҫәпләнә.

Ял көнө, 21 ғинуарҙа Өфөнөң Дим районындағы ҙур саңғы ярышына илебеҙҙең 15 ҡалаһынан һәм 7 төбәгенән 315 спортсы килде.

Ауырғазы командаһы ла һынатманы, саңғыла етеҙ елеүҙәрен иҫбатлай алды.
Түбәндәге һөҙөмтәләр быны күрһәтә.

Балалар өсөн 500 метрлыҡ йүгереүҙә Әминә Камалетдинова 2-се урын яуланы.

3.3 саҡрымлыҡ масс-стартта үҫмерҙәр араһында Мөхәммәт Камалетдинов, ҡыҙҙар араһында Сафия Ишбулдина 1-се килде. Шул уҡ арауыҡта 14 йәштән ҙурыраҡтар категорияһында
Данияр Ишбулдин 3-сө урынға сыҡты.

Ә 14-15 йәшлек ҡыҙҙар араһында 10 саҡрымлыҡ дистанцияла Илнара Камалетдинова 4-се урынды яуланы.

Тренер А.Ишбулдин һәм йәш спортсыларҙы яҡшы һөҙөмтәләре менән ҡотлайбыҙ! Тағы ла үрҙәр яуларға булһын!