Ауырғазы командаһы – еңеүсе!

Стәрлетамаҡ районының Үрге Уҫылы ауылында ошо ауылдың геройы, Батырлыҡ ордены менән бүләкләнгән Радик Сәйфетдинов иҫтәлегенә бағышланған футбол турниры үтте. Унда Ауырғазы командаһы ла ҡатнашты.

Көсөргәнешле ярыш барҙы. Барыһы ла призлы урындар яуларға тырышты, уйындың һөҙөмтәһенә финалдағы пенальти серияһы йоғонто яһаны.
Стәрлетамаҡ районының «Уҫылы» командаһы өсөнсө, Стәрлебаштың «Ҡарағош»о икенсе урынға лайыҡ булды
«Ауырғазы» командаһы еңеүселәр кубогын алыуға иреште. Афариндар!

Турнир барышында «Спорт калейдоскобы «Беренселәр республикаһы» республика эстафетаһының эмблемаһы - күсмә флагы һәм туп Ишембай районы вәкилдәренә тапшырылды.
Быйылғы йылдың барлыҡ спорт саралары ошо проект сиктәрендә үткәрелә. Уларҙың төп маҡсаты – Башҡортостан Республикаһы Спорт министрлығының йөҙ йыллыҡ юбилейын билдәләү.

Фотолар: https://vk.com/album-214235102_295710722 альбомынан.

Сығанаҡ: Управление культуры, спорта, молодежи Стерлитамакского района