15 апрелдә Сибай ҡалаһында традицион уҡтан атыу буйынса республика турнирының өс этабы үтте. Унда ҡатнашыусылар "Ирәндек уҡсылары" клубы кубогына дәғүә итте. Ярышҡа Башҡортостандың төрлө ауыл-ҡалаларынан килделәр.
Уҡ атыуҙа тәүге аҙымдар яһаусылар араһында көс һынаусы Батырхан Ғайсин беренсе һәм икенсе этапта 2-се, өсөнсө этапта иһә 1-се урын яуланы.
Фәим Ғайсин да ошо уҡ категорияла беренсе этапта 5-се урынбулһа, икенселә 1-сегә, өсөнсөлә 2-се урынға сыҡты.
Дөйөм зачетта Батырхан 1 -се урынға лайыҡ булып, миҙгелдең еңеүсеһе булды. Уға Кубок, миҙал, диплом бирелде һәм аҡсалата бүләкләнде.
Фәим Салауат улы - 2-се урында. Шулай уҡ миҙал, диплом һәм аҡсалата бүләкләү алды. Афарин, Ғайсиндар! Һәр ерҙә лә өлгөрәһегеҙ, уңыштарға ирешәһегеҙ! Артабан да уңыштар юлдаш булһын!