+13 °С
Болотло
Бөтә яңылыҡтар
Илһам
21 Март 2021, 10:36
ТЫҢЛА, ШАҒИР... (Рәшит НАЗАРОВ)
— Тыңла, шағир, — таңғы елдәр генә,Тын болонда үҫкән гөлдәр генә,Былбыл моңо,Йылмайыуы мәктең,Елпенеүе наҙлы күбәләктең, — Шулар ғына һине биләйме ни?
— Тыңла, шағир, —
таңғы елдәр генә,
Тын болонда үҫкән гөлдәр генә,
Былбыл моңо,
Йылмайыуы мәктең,
Елпенеүе наҙлы күбәләктең,
— Шулар ғына һине биләйме ни?
Ут-көрәшле ошо заманда
Килешәме йырлау, минең дуҫым,
Бер үк йырҙы шулай һаман да?
— Ҡәҙерле дуҫ!
Тормош тыуғанда уҡ
Яҡшы менән яман,
Көн менән төн,
Һалҡын менән ялҡын —
алыштарға
Майҙан итеп алған Ер өҫтөн.
Ләкин һин бел:
Мәңгелектән килгән
Бәхет өсөн барған был дауҙа,
Тау онтарлыҡ нәфрәт кенә түгел,
Һөйөүҙе лә кәрәк йырларға!
Наҙлы иҫкән таңдар елендә
Нәфрәт йәшеренгән, — үлемгә,
Айлы кистә, сылтыр инештә,
Саф күңелдән дәртле үбештә —
Бомбаларҙың барыһын ватырлыҡ
Ҡеүәт йәшәй,
йәшәй батырлыҡ!
…Һәм мин яҙам шулар тураһында, —
Төн ҡараһы сирҡандыра бары
Белһәң генә көндөң нурын да!
23.12.1962
Читайте нас:
© 2020-2024 Сайт издания "Рух" Копирование информации сайта разрешено только с письменного согласия администрации.
Телефон
834745 (2-18-45)
Электрон почта
Адресы
453480, Аургазинский район, с.Толбазы, ул.Первомайская,10
Реклама хеҙмәте
834745 (2-18-45)
Редакция
834745 (2-18-45)
Кадрҙар бүлеге
834745 (2-18-51)