Бөтә яңылыҡтар
Илһам
2 Март 2021, 13:32

ТАҒЫ ЛА БЕР ЯҘҘЫ ҠАРШЫ АЛАМ...

(Әлфиә ӘСӘҘУЛЛИНА).

Тағы ла бер яҙҙы ҡаршы алам,
Тағы ла бер ҡышты оҙатам.
Үткән менән киләсәкте ялғап,
Иреп аға торған боҙ ята.

Иреп аға торған ҡарҙар ята,
Ап-аҡ түгел инде,
ҡарайып.
Тәбиғәттең ошо күренешен
Үҙенеке иткән яҙ айы.

Рәнйемәйсә үткәндәрҙән ҡалған
Сүп-сарҙарға,
бысраҡ, ләмдәргә.
Яҙ тағы ла үҙ наҙҙарын өҫтәй
Күңелдәрҙе яулар йәмдәргә.
1985.
Читайте нас в