МЕЙЕС

(Минира БИКӘНӘСОВА).

Заманалар башҡа хәҙер –

Газ яғалар ауылда!

Өшөмәйҙәр көҙөн, ҡышын,

Бурандарҙа, дауылда...

Иртән торһаң – йылы, тиҙәр

Мәшәҡәте аҙыраҡ,

Көл алмайһың, ҡоромо юҡ,

Усаҡ алды таҙараҡ...

Нихәл итәһең бит инде –

Газ юҡ беҙҙең урамда!

Өшөһәк тә бер аҙ ғына

Ҡышҡы һалҡын буранда,

Һүҙем мейес хаҡында –

Уның йылыһы наҙлай,

Иретә тәнең-йәнеңде,

Күмере яҡты баҙлай...

Тәмле төтөн еҫен һиҙер

Үтеп барыусы кеше,

Газдан сыҡҡан ағыу түгел

Метан йә пропан ише...

Ауыл өйөн йәмләй мейес,

Уты янһа усаҡта,

Донъя теүәл, түп-түңәрәк

Йылы, наҙлы ҡосаҡта...

Читайте нас:

Телефон

834745 (2-18-45)

Электрон почта

[email protected]

Адресы

453480, Аургазинский район, с.Толбазы, ул.Первомайская,10

Реклама хеҙмәте

834745 (2-18-45)

Редакция

834745 (2-18-45)

Кадрҙар бүлеге

834745 (2-18-51)