Райондың «Зәңгәр шишмә» әҙәби берләшмәһе ағзаһы, Ауырғазы районына арналған гимн авторы, шиғыр-хикәйәләр яҙыусы Зөлфиә Ғәзиева район, республика кимәлендә үткән төрлө ижади сараларҙа әүҙем ҡатнаша.
Ул 17-20 июндә Санкт-Петербургта үткән V Халыҡ-ара «Ғәжәп утрау» («Дивный остров») музыкаль-художество ижады конкурс-фестивалендә ҡатнашыу бәхетенә иреште.
Зөлфиә Ғәзиева үҙе ижад иткән шиғыр һәм йырҙары менән сығыш яһаны һәм призлы урындар яуланы.
Ижадсы мәҙәниәт һәм сәнғәт өлкәһендәге «START звезды» халыҡ-ара премияһын алыуға дәғүә итеү конкурсында ҡатнашыуға саҡырыу ҡағыҙы алды. Был төп приз уның өсөн ҙур һөйөнөс булды.
З.Ғәзиева Санкт-Петербургҡа барыу һәм сығыштарын үткәреүгә ярҙам иткәндәре өсөн район хакимиәте һәм Үҙәк китапханалар селтәренә ҙур рәхмәтле.
(Ғ.Ибраһимов исемендәге үҙәк район китапханаһы мәғлүмәте буйынса әҙерләнде).