Ауырғазы районында «Беренселәр ғаиләләре» Ҙур ғаилә уйындарының муниципаль этабы үтте

Сара быйыл Рәсәйҙә иғлан ителгән Ғаилә йылына арналды.

2024 йыл илдә Рәсәй Президенты Владимир Путин указы буйынса Ғаилә йылы тип иғлан ителде. Ҡарар ғаиләләрҙе яҡлау һәм традицион ғаилә ҡиммәттәрен һаҡлау өлкәһендәге сәйәсәтте популярлаштырыу маҡсатында ҡабул ителде. Был йүнәлеш республикабыҙҙа ла өҫтөнлөклө булып ҡала.

«Киләһе йылды ил президенты Ғаилә йылы тип иғлан итте. Был йәнә шуны һыҙыҡ өҫтөнә ала: ғаилә ҡиммәттәрен нығытыу, ғаиләгә, әсәлеккә, аталыҡҡа һәм балалыҡҡа ярҙам итеү — беҙҙең үҙгәрешһеҙ өҫтөнлөктәребеҙ»- тип билдәләне республика Дәүләт Йыйылышына мөрәжәғәтнамәһендә Радий Хәбиров.

21 сентябрҙә Башҡортостандың Ауырғазы районында «Беренселәр ғаиләһе» Ҙур ғаилә уйындарының муниципаль этабы үтте. Р.Назаров исемендәге Талбазы башҡорт гимназияһында ярымфиналсы биш ғаилә йыйылды.

Конкурсант ғаиләләр, «Рәсәй бөркөтө» программаһына ярашлы, интеллектуаль, музыкаль, спорт буйынса 7тректа ярышты. Был-Беренселәрҙең хәрәкәте менән танышыу һәм яңы офоҡтар асыу өсөн бик яҡшы ысул.

Фестивалдә Талбазы лицейынан Йәлиловтар ғаиләһе («Креатив ғаилә» номинацияһында еңде), Бишҡайын ауылынан Ивановтар ғаиләһе («Супер-әсәй» номинацияһы), Ҡорманайҙан Ҡаҙырмаевтар ғаиләһе (еңеүселәр), Таштамаҡтан Кирилловтар ғаиләһе («Спорт яратыусы ғаиләһе» номинацияһы), Мәсәйленән Семеновтар ғаиләһе («Музыкаль ғаилә» номинацияһы) ҡатнашты. Муниципаль этап еңеүсеһе Ҡаҙырмаевтар ғаиләһе төбәк кимәлендә үҙ оҫталыҡтарын күрһәтеү, яңы дуҫтар менән осрашыу мөмкинлеге алды.

«Бала саҡ навигаторҙары» мәғариф бүлегенә, начальнигы Рөстәм Әнүәр улы Ғиләжетдиновҡа, «Строймеханизация» йәмғиәте директоры Сәғәҙиев Рәзиф Нәзиф улына уйындарҙы уҙғарыуҙа спонсорлыҡ ярҙамы күрһәткәне өсөн рәхмәт белдерә, артабанғы уңышлы хеҙмәттәшлеккә өмөтләнә. Был сараны ойоштороусылар булып директорҙың тәрбиә һәм йәмәғәт берекмәләре менән үҙ-ара эш итеү буйынса кәңәшселәре тора.

Светлана Әхмәрова, муниципаль координатор

- Бөгөн беҙ муниципаль этап үткәрҙек, тәүгеһе мәктәп этабы булды, ул август айында үтте. Унда бөтә райондан 26 ғаилә ҡатнашты. 26-28 сентябрҙә «Патриот» паркында төбәк этабы үтәсәк. Беҙҙең район исеменән еңеүсе Ҡаҙырмаевтар ғаиләһе сығыш яһаясаҡ. Бөгөн ғәҙәти булмаған хәлгә эләккән ғаиләләрҙе күҙәтеү бик ҡыҙыҡлы булды. Улар берләште, бер-береһенә ярҙам итте. Минеңсә, һәр береһе был саранан үҙ ғаиләһенең рухи һандығына нимәлер алды. Улар өйрәнелгән ҡалыпта ғына йәшәмәҫкә мөмкинлеген аңланы. Бында улар командаларға берләште. Минеңсә, ҡатнашыусылар бер-береһен нығыраҡ ярата башланы!