Башҡортостан халҡы биләмәләрҙе төҙөкләндереү өсөн тәҡдимдәр индерә ала

Тәҡдимдәр 2026 йылдың 2 мартынан 26 мартына тиклем «ПОС.Госуслуги» федераль дәүләт мәғлүмәт системаһының «Решаем вместе» бүлегендәге кире бәйләнеш платформаһын файҙаланып ҡабул ителә. Һылтанма: https://pos.gosuslugi.ru/lkp/fkgs/home/.

 

- Дуҫтар, һеҙҙең тәҡдимегеҙ ниндәй биләмәләр үҫеш аласағын билдәләргә ярҙам итәсәк. Тауыш биреүҙә ҡатнашыу - ул формаль ғына түгел, ә яҡын киләсәктә парктарҙың, скверҙарҙың нисек булыуына йоғонто яһау мөмкинлеге. Үҙегеҙгә мөһим булған майҙансыҡтарҙы тәҡдим итегеҙ! - тип мөрәжәғәт итте төбәк халҡына Башҡортостан Республикаһының торлаҡ-коммуналь хужалыҡ министры Ирина Голованова.