Йырҙың моң-тауыштарында, ысынлап та,  боронғо легендалар терелә.

«Бөйөк Урал батыр был донъя өсөн һуғышып һәләк булғас, уның кәүҙәһе Урал тауҙары булып ята, һулышы - ел, ә туғандарының күҙ йәштәре йылғаларға әүерелә. Уның Улдары Иҙел, Яйыҡ, Нөгөш ҡайғыра, уларҙың күҙ йәштәре лә ерҙән аға. Атаһының васыяттарына тоғро булған Иҙел саф күңел менән ҡайғыра, һәм уның күҙ йәштәре ғорур Ағиҙел йылғаһына башланғыс бирә. Ул батыр тураһында хәтер кеүек яҡты, уның рухы кеүек көслө, ихтыяры кеүек ирекле.

Был мәлде беҙҙең менән уртаҡлашыуығыҙ өсөн рәхмәт! Был иҫ киткес! Беҙҙең музыканы тыңлаған, ҡараған, комментарий биргән һәм уртаҡлашҡан һәр кемгә рәхмәт. Һеҙҙең ярҙамығыҙ йырҙарҙы таратырға ғына түгел, ә боронғо тарихтарҙы йәнләндерергә, уларҙы хәҙерге донъяның бер өлөшө итергә ярҙам итә. Уның исеме яҡтылыҡ менән һуғарылған, уның образы сер менән ҡапланған», - тип яҙа «AY YOLA» төркөмө «Бәйләнештә» социаль төркөмөндә.

Яңы этно-проекттың етәксеһе – билдәле «Арғымаҡ» төркөмөнән Ринат Рамаҙанов, ул йырҙарҙы башҡара, ҡурайҙа уйнай; Адель Шәйхетдинова – йырсы, гитарала һәм думбырала уйнай; Руслан Шәйхетдинов – клавишалы музыка ҡоралдарында уйнай, бас-гитарасы.

Улар традицион уйын ҡоралдары – ҡурай, ҡумыҙ, думбыра моңона заманса музыка ҡоралдарын ҡушып аранжировкалай.

«Һомай»  йырын Ҡаҙағстан, Татарстан, башҡа төрки халыҡтар йәшәгән ерҙәрҙә тыңлайҙар. Бер нисә көндә генә клипты миллиондарса кеше ҡараған.

Төрлө милләт кешеләре һоҡланыуын белдереп, комментарийҙар ҡалдыра.

«История, этно электромузыка, послание свободы, одежда национальная, кони, снежный Урал - заходит по всему миру, ребята красавцы, вы просто везде сегодня!!! Восторг!!» тип һоҡланыуын белдерә Дмитрий. Йырҙың русса вариантын да һораусылар бар.

«Homay» йырында юлдар быуындар хәтерен уятҡан ата-бабалар саҡырыуы кеүек:

Тамырҙарым минән һорай –

Йәнем дә, ҡаным да һорай,

Боронғо хәтер һорай,

Кем булды ул Һомай?

Ул ерҙең көсөн һаҡлай, сөнки тик уға ғына Тереһыу шишмәһенә юл билдәле. Уға ҡанатлы аҡбуҙат һәм алмаз ҡылыс ышанып тапшырыла. Әммә уның көсө ҡоралға түгел, ә рухҡа бәйле. Һомай - ул ерҙең тауышы, ул кемебеҙҙе һәм ҡайҙан килгәнебеҙҙе оноторға мөмкинлек бирмәй.

 Субтитрҙар менән роликтар ҙә әҙерләгән музыканттар.

Башҡорт теле — vk.com/clip-229033973_45623...

Русский язык — vk.com/clip-229033973_45623...