Ҡышҡы миҙгел – тылсымлы һәм күңелле осор.

Ҡышҡы миҙгел – тылсымлы һәм күңелле осор. Төрлө ерҙә балалар өсөн дә, ҙурҙар өсөн дә саралар үтеп тора. Төрөмбәт ауылы китапханаһында ла ситтә ҡалманылар.

Яңы йыл каникулдарында бында танып-белеү-уйын программаһы бик ҡыҙыҡлы үтте. Балалар мауығып йомаҡтар систеләр, ҡыш тураһында мәҡәл-әйтемдәр, шиғырҙарҙы иҫкә төшөрҙөләр. Һибелгән ижектәрҙән ҡыш тураһында һүҙҙәр төҙөү уларға бик оҡшаны. “Футбол”, “Ҡышҡы йүгереү”, “Шыршынан энәләрҙе йолҡоп алыу” һәм башҡа төрлө хәрәкәт уйындарында барыһа ла теләп ҡатнашты.