Башҡортостан Башлығы Урмансылар паркын Өфөнөң үҙенсәлекле урыны тип атаны

Башҡортостан Республикаһында Халыҡ фронты рәйестәше һәм Дәүләт Йыйылышы – Ҡоролтай депутаты Шамил Вәлиевтың һорауына яуап биреп, һәр парк кеүек үк, Урмансылар паркының да үҫеше өсөн сиктәр булмауын билдәләне. Әммә төҙөүселәрҙең унда инеү мөмкинлеге тураһында Башҡортостан Башлығы түбәндәгеләрҙе әйтте:

- Ул федераль ҡануниәт яғынан ныҡ һаҡлана, унда ҡала урмандары, был бик етди факт, - тине Радий Хәбиров. - Бөгөн мин унда булдым, кешеләр менән аралаштым. Халыҡ күп, парк та матур. Беҙ Урмансылар паркын тәртипкә килтерҙек, төп бурысты башҡарҙыҡ: юлдар, яҡтыртҡыстар, таҙалыҡ, тәртип. Өфө артабан үҫешергә тейеш.

Паркта аралашҡан кешеләр һаулыҡ мөмкинлеге сикләнгәндәр өсөн спорт блогын эшләүҙәрен һораны, тип билдәләне Радий Хәбиров.

https://www.bashinform.ru