Ҡурайсылар ансамбленең беренсе концерты үтте

Талбазы ауылының район мәҙәниәт һарайында Рәсәйҙең атҡаҙанған, Башҡортостандың халыҡ артисы Азат Айытҡолов етәкселегендәге Дәүләт ҡурайсылар ансамбле һоҡландырғыс сығыштар менән тамашасыларҙы һөйөндөрҙө.

Ҡурай моңо аҫтында башҡорт халыҡ йырҙары яңғыраны, дәртле бейеүҙәр күңңелдәрҙе елкендерҙе!

Һәр кем ыңғай энергия, күтәренке кәйеф алып сыҡты был тамашанан.
Тере тауыш, юғары башҡарыу оҫталығы менән ауырғазыларҙың күңелендә оҙаҡ һаҡланыр! Башҡортостан дәүләт ҡурайсылар ансамбле егеттәренә уңыштар, яңынан-яңы үрҙәр яуларға яҙһын!