•«Кирач» статуэткалары Башҡортостан туристары араһында популярлыҡ яулай

 «Башҡортостанға туристар ағымының йылдан-йыл артыуын иҫәпкә алғанда, беҙгә бындай матур, уникаль сувенир продукцияһы етмәй. Туризм министрлығына һеҙҙең музей-оҫтаханағыҙ «Башҡорт оҙон ғүмерлелеге» һәм «Мәктәп туризмы»республика программалары маршруттарына индерелһен өсөн йөкләмә бирәсәкмен. Беҙҙең халыҡ балсыҡтан эшләнгән әйберҙәр эшләү процесын күрергә һәм уларҙы һатып алырға мөмкинлеге булырға тейеш. Шулай уҡ трассала һеҙҙең музейҙы күрһәткән туристик таҡтаташ урынлаштырырға кәрәк. Һеҙҙең сувенирҙарығыҙ беҙҙең визит-үҙәктәрҙә лә булырға тейеш, көҙгөһөн беҙ уларҙың береһен төҙөләсәк Евразия күсмә цивилизациялар музейы биләмәһендә асырға ниәтләйбеҙ. Тура хан мавзолейы төшөрөлгән сувенирҙарығыҙ, башҡа әйберҙәрегеҙ ҙур популярлыҡ менән файҙаланыр тип уйлайым»,-тине Радий Хәбиров.

 - Заказдар Зәки Нуғаевҡа Башҡортостандың төрлө райондарынан килә. Республиканың һәр сараһында уның эксклюзив статуэткалары: Тура Хан мавзолейы, «Шүлгәнташ», «Салауат Юлаев» һәм башҡалар менән танышырға мөмкин. Ҙур геопарктарҙың береһендә – «Торатау» ҙа уның изделиелары тәҡдим ителәсәк. Тиҙҙән республикала «Башҡортостан брендтары»телевизион конкурсы башлана. Зәки Исмәғил улы ла унда ҡатнашыр, моғайын. Бөтә район уны яҡлаясаҡ,-ти райондың бизнес-шерифы Айгөл Шакирова.