Уҡыусылар Өфөгә сәйәхәткә барҙы

«Йондоҙлоҡ» («Созвездие») (етәксеһе Нафиҡова Н.Р.), «Фантазия» (етәксеһе. Хәлиҡова Ф.Ю.) һәм өлгөлө ҡурайсылар ансамбле «Дуҫлыҡ» (етәксеһе Ғайсин Ф.С.) составында ҡатнашҡан балаларға Арслан Нәзир улы район тормошонда әүҙем ҡатнашҡандары, уңышлы эштәре өсөн башҡалаға сәйәхәт бүләк итте.

 Халҡыбыҙҙың милли батыры Салауат Юлаев һәйкәлен күрҙеләр, уның янында бейенеләр, ҡурайҙа уйнанылар, фотоларға төштөләр.  «Планета» сауҙа үҙәгендә урынлашҡан аквапаркта булыу ҙа бик оҡшаны.

Уҡыусылар был сәйәхәттән яҡшы тәьҫораттар менән, тарихи мәғлүмәттәр менән танышып, шулай уҡ рухи яҡтан байып ҡайтты. Етәкселәре, ата-әсәләр һәм, әлбиттә, уҡыусылар был мәҙәни ял өсөн ҙур рәхмәт белдерә.

Йәйге ялдары тағы ла ҡыҙыҡ, мауыҡтырғыс ваҡиғалар менән тулы булһын!