Һабантуй яланы гөрләп торҙо

VI «Табын-фест 2024» төбәк-ара табын ырыуы йәштәре фестивале ете район һәм ике өлкәнән ҡунаҡтар йыйҙы.

Бында килгән һәр кем үҙенең күңеленә хуш килгән уйынды күҙәтте йәки ҡатнашты, концерт ҡараны – рухи аҙыҡ алып ҡайтты.

Тирмәләр үҙҙәренең биҙәлеше менән береһенән-береһе бай, сағыу, милли үҙенсәлекле ине. Боронғо әйберҙәр, хәҙер тергеҙелә килгән кәсептәр буйынса оҫталыҡ дәрестәре, патриотик мөйөштәр, ҡул эштәре күргәҙмәһе, милли аш-һыу – барыһы ла яҡшы әҙерлек менән килгән, йылмайып ҡаршы алып торалар.