ҠОТЛО БУЛҺЫН ТЫУҒАН КӨНӨГӨҘ!

ЙОМҒАҠ

(Минира БИКӘНӘСОВА).

Төрлө төҫтәрҙән алдымда

Йомғаҡҡа уралған еп.

Яҙмыш ҡушыуы буйынса

Биҙәк яһайым теҙеп.

Алһыу төҫө – бала сағым,

Алтынын ҡушып теҙәм.

Йәшлек йылым – ҡыҙыл төҫтән,

Гөлләмәләрен һибәм.

Йәшел ҡушып йәшәрәйем,

Йәшлек үтеп тә киткән.

Аҡ ҡылғандар болондағы –

Сал сәсем төҫө икән.

Гел шатлыҡлы үтмәй тормош,

Һарыһы – һағыштарым.

Был донъялар үкенесле:

Һоро төҫ – яңлыштарым....

Ҡараларын алып ҡуям,

Был төҫтәр теҙелмәһен.

Шатлыҡтан йәштәр тамһа ла,

Ҡайғынан – түгелмәһен.

Зәңгәр, күкһел, ҡыҙылһыуы...

Ниндәй төҫ теҙәм тағын?

Нағыштарҙан биҙәк яһап

Һүтәм ғүмер йомғағын...