АВГУСТ ТЫУҘЫ (М. Ямалетдин)

Аң булығыҙ - елләйем, ти, Килер көҙҙән шаулы сәләм юллайым, ти, Оҡшамаһа, рәнйемәгеҙ - сәләмемде Үҙем белгән моңға һалып көйләйем, ти. Килер көҙҙән шаулы сәләм юллайым, ти, Йәйҙең йәшел йәмен мин дә йәлләйем, ти, Күкрәп сәскә атҡан ошо гүзәллектең Мәңге-мәңге шиңмәүҙәрен теләйем, ти. Йәйҙең йәшел йәмен мин дә йәлләйем, ти, Ел телендә һағышымды һөйләйем, ти, Сараһыҙлыҡ сиктәренән үтә алмай, Донъя йөҙөн айҡап-сайҡап тулайым, ти. Ел телендә һағышымды һөйләйем, ти, Кисерегеҙ, башҡа телде белмәйем, ти, Һәләкәтен тойған йәйҙең әрнеүҙәрен Көҙҙөң еләҫ тыны менән имләйем, ти.

АВГУСТ ТЫУҘЫ (М. Ямалетдин)