ТАЛБАЗЫЛА ТАҒЫ БЕР ЯЛ ПАРКЫ БУЛА

Бында эштәр тамамланыу өҫтөндә. Хоккей тартмаһы, көйәрмәндәр өсөн урындар, спортсыларға кейенеү өсөн ике бүлмә йыһазландырылған.

Стадионда резина валсыҡтары таратыласаҡ, был универсаль майҙансыҡ була. Ҡыш көнө – хоккей, йәйгеһен - мини-футбол, волейбол, баскетбол уйнарға мөмкин.

Балалар өсөн уйын майҙансығы ла әҙер тиерлек. Кесе архитектура формалары, спорт ҡоролмалары урынлаштырылған, турникет, резина өҫлөк менән ҡаплау, территорияһын периметр буйынса йәшелләндереү эштәре ҡалған.

Паркта видеокүҙәтеү эшләй, яҡтылыҡ та бар.