Меркет ырыуы вәкилдәре - "Сәләм" тапшырыуында

4 июндә Ауырғазы районының Мораҙым ауылында Меркет ырыуы ҡор йыя. Бында Бөтә донъя башҡорттары ҡоролтайынан, төрлө райондарҙан вәкилдәр, ҡунаҡтар килеүе көтөлә. Ошо йыйын һәм меркеттәрҙең тарихы, шәхестәре,йолалары тураһында Башҡортостан юлдаш телевидениеһының иртәнге “Сәләм” тапшырыуында Меркет ырыуы вәкилдәре – Мораҙым ауылынан тарихсы, тыуған яҡты өйрәнеүсе Илнур Нәҙершин менән ауыл ҡатын-ҡыҙҙар советы рәйесе Динә Ишмөхәмәтова һәм Түрһәгәҙе ауылында тыуып үҫкән, әлеге көндә Башҡортостандың Тарих, тел һәм әҙәбиәт институтының фольклор бүлеге кесе ғилми хеҙмәткәре Рәфилә Зиннурова һөйләне.