10-сы ҡаттан алып 29 ҡатҡа тиклем башнялар бөйөк ғалимдар хөрмәтенә аталасаҡ: Пифагор, Аристотель, Авиценна, Шэнь Ко, Менделеев, Вернадский , Циолковский. Улар эсендә ятаҡтар, спорт, ижад һәм хатта студент ғаиләләре өсөн балалар баҡсаһы буласаҡ.
Беренсе сират (IQ-парк) 2024 йылда, Геном үҙәге 2025 йылда асылды. Ике сираттың дөйөм майҙаны 142,7 мең квадрат метр.
Кампус Берҙәм Рәсәй халыҡ программаһы ярҙамында «Заманса кампустар селтәрен булдырыу» федераль проекты сиктәрендә төҙөлә. 2030 йылға Рәсәйҙә донъя кимәлендәге 25 студент кампусы буласаҡ, ә 2036 йылға – 40.
Партияның төбәк бүлексәһе секретары, төбәк Башлығы Радий Хәбиров һөйләүенсә, кампус студенттарҙың, йәш ғалимдарҙың гармониялы үҫеше өсөн уникаль мөхит буласаҡ, ә уның стеналарында 4 меңдән ашыу кеше урынлаша аласаҡ.
