АФАРИН, УҠЫУСЫЛАР! БАЛАЛАРҘЫҢ КҮҘҘӘРЕ МЕНӘН ХӘҮЕФҺЕҘЛЕК

Өфө ҡалаһында, «Арт-квадрат» дәүләт концерт үҙәгендә, Башҡортостан Республикаһында бала хоҡуҡтары буйынса вәкил ҡарамағындағы Балалар йәмәғәт советы ойошторған «Балалар күҙҙәре менән хәүефһеҙлек» конкурсы еңеүселәрен һәм призерҙарын бүләкләү тантанаһы үтте . Рәшит Назаров исемендәге Талбазы башҡорт гимназияһының 1-се класс уҡыусылары уҡытыусылары Айгөл Һатлыҡова етәкселегендә юл хәрәкәте хәүефһеҙлеге темаһы буйынса "Видеоролик"номинацияһында 2-се урынды алды.

Уҡыусылар бүләкләү тантанаһына барҙы, Өфө ҡалаһын да күреп, яңы хәтирәләр алып ҡайтты.

Тантанала балаларға Һәм уларҙың етәкселәренә, ата-әсәләргә рәхмәт һүҙҙәре менән Башҡортостанда бала хоҡуҡтары буйынса вәкил О.Ю. Панчихина, Ғәҙәттән тыш хәлдәр буйынса дәүләт комитеты рәйесе К. С. Первов, Рәсәй Федерацияһы Граждандар оборонаһы, ғәҙәттән тыш хәлдәр һәм тәбиғәт афәттәре эҙемтәләрен бөтөрөү эштәре буйынса министрлығының Башҡортостан Республикаһы буйынса баш идаралығы начальнигы урынбаҫары В. Н. Горин, республика буйынса Эске эштәр министрлығының ЮХХДИ идаралығының юл хәрәкәте хәүефһеҙлеген пропагандалау төркөмөнөң махсус йөкләмәләре буйынса өлкән инспекторы Л. Ш. Зиннуров мөрәжәғәт итте.

Бүләкләүҙән тыш, сара ҡатнашыусыларға күңел асыу һәм танып белеү программаһын тәҡдим итте: хәүефһеҙлек тураһында уйындар һәм беренсе ярҙам күрһәтеү буйынса оҫталыҡ дәрестәре ойошторолдо.