ГИМНАЗИЯ УҠЫУСЫЛАРЫ КОНФЕРЕНЦИЯНАН УҢЫШТАР МЕНӘН ҠАЙТТЫ

Улар Фатима Хәмит ҡыҙы Мостафина тыуыуына 110 йыллыҡ юбилейына арналған Төбәк-ара фәнни-ғәмәли конференцияла ҡатнаштылар. Конференцияла эштәр 4 номинацияла : 1-4 класс уҡыусыларының инша, шиғырҙары, ҡул эштәре, һүрәттәре, видеоклиптары буйынса баһаланды. 5-8 класс уҡыусылары тикшеренеү эштәре менән сығыш яһаны, 9-11 класс уҡыусылары үҙҙәренең проекттарын күрһәтте.

"Ҡояш булып балҡый һинең эҙең, уҡыусыңдан ҡалған һәр эҙҙә" номинацияһында Розалия Йәлилованың уҡыусыһы Сулпан Ғәлиуллина еңеүсе булды. Афарин, Сулпан!

Ә 1-се класс уҡыусыһы Асҡар Йәлилов призер булды. Уның уҡытыусыһы - Айгөл Һатлыҡова.

Гимназия уҡытыусылары ойоштороусыларға ҙур рәхмәттәрен белдерә. Балалар республика кимәлендәге уңыштары менән ғорурлана ала. Афарин! Алда ла уларға уңыштар насип булһын!