«Киләсәк самолеты» ниндәй традиция икән?

Был матур кейенгән малайҙар һәм ҡыҙҙар Рәшит Назаров исемендәге Талбазы башҡорт гимназияһының 1 класы уҡыусылары. Уларға беренсе уҡытыусылары Айгөл Сатлыҡова башланғыс кластарҙа белем бирәсәк. Барыһы ла тәртипле, белемле, зирәк, аҡыллы уҡыусылар булһын!

Гимназияла «Киләсәк самолеты» тигән традиция йәшәп килә. Бөтә Рәсәй «Баласаҡ навигаторҙары» проекты сиктәрендә беренсе класс уҡыусыларына теләктәр тапшырыла.

Сығарылыш кластары – ун беренсе һәм туғыҙынсы кластар - ҡағыҙҙан осҡостар яһап, унда бәләкәстәргә нәсихәт һүҙҙәре яҙалар. Өлкәндәрҙән самолеттарҙы ҡулға алғас, бергәләшеп “осош”ҡа юлланалар!

Автор: Равиля Бардыбаева

Читайте нас