ҺУҢҒЫ ҠЫҢҒЫРАУ СЫҢЛАНЫ

Районыбыҙҙың 95 11-се класс уҡыусыһы мәктәпте тамамлап, алдағы һынауҙарға әҙерләнә, һөнәр һайлай.

Талбазы башҡорт гимназияһында ла тантаналы байрамға спорт залында йыйылдылар. Ете  11-се, ун 9-сы класты тамамлаусы егет һәм ҡыҙҙар тураһында тик яҡшы һүҙҙәр әйтелде, уларға мәктәп директоры Светлана Юлмөхәмәтова, уҡытыусылары, ата-әсәләре теләктәрен еткерҙе, кәңәштәр бирҙе.

Мәктәп вальсы, һуңғы ҡыңғырау сыңы... Ошо мәлдәр улар күңелендә яҡты иҫтәлек булып ҡалыр, йылдар үткән һайын моңландырып иҫтәренә төшөр.  Ә әлегә улар алдында -имтихандар, тормошта яратып башҡарырлыҡ һөнәр һайлау.

Иртәгәнән инде беренсе һынау тоталар, уларға тик уңыштар теләйбеҙ! хыялдарын тормошҡа ашырырға, тормошта лайыҡлы кеше, һөнәрҙәренең оҫтаһы булырға яҙһын!

Аҡ юл һеҙгә, уҡыусылар!