АТАНАН КҮРГӘН УҠ ЮНЫР...

Был мауыҡтырғыс сараны “Булат” тарихи реконструкция һәм этномәҙәни үҫеш үҙәге директоры, яҡташыбыҙ Айнур Үтәев үткәрҙе. Ул балаларға традицион башҡорт кейемдәрен күрһәтте, улар тураһында һөйләне. Милли кейемде кейеп тә ҡаранылар.

Ә инде спорт залында Айнур Фәнис улы балаларға уҡтан атыу серҙәренә төшөндөрҙө. Малайҙар, ҡыҙҙар үҙ ҡулдары менән уҡ-йәйәне тотоп ҡараны. Уҡтан атҡанда хәүефһеҙлек ҡағиҙәләре менән дә таныштылар.

Сара балаларға бик оҡшаны.