Туған телебеҙҙә диктант яҙыуға әүҙем ҡушылайыҡ!

18 майҙа беҙҙең район да башҡорт теленән халыҡ-ара диктант яҙыуға ҡушыла.

Бишенсе тапҡыр үткәреләсәк башҡорт теленән региональ диктанттың халыҡ-ара статусҡа эйә булыуы тураһында алдағы һанда яҙғайныҡ.

Диктантты 18 майҙа яҙасаҡбыҙ. Уны, ғәҙәттәгесә, Башҡорт дәүләт университеты әҙерләй, төп яҙыу майҙансыҡтары ла унда урынлашасаҡ. Әйткәндәй, диктант икәү - телде яҡшы белгәндәр һәм башланғыс кимәлдәгеләр өсөн.

Башҡорт теленән Халыҡ-ара диктант Өфө ваҡыты буйынса иртәнге сәғәт 10.00 башлана.

Был саранан ситтә ҡалмай, беҙ ҙә әүҙемлек күрһәтәйек! Әүҙем ҡатнашайыҡ!

18 майҙа сәғәт 10-ға Талбазы Башҡорт гимназияһына рәхим итегеҙ!

Гимназиянан тыш, тағы ла түбәндәге мәктәптәрҙә диктант яҙыу ойошторола:

Исмәғил, Ишле, Көйәҙебаш, Ҡорманай, Мораҙым, Нуғаҙаҡ, Яңы Федоровка, Сәмән, Степановка, Туҡай, 2-се һәм 3-сө Талбазы мәктәптәре, Талбазы лицейы, Кәлсер мәктәбе.