АУЫЛДАРҘА ИЗГЕ ЭШТӘР БАШҠАРЫЛА

Үтәймулла ауылында социаль-мәҙәни объекттарҙың биләмәләрен кәртәләү дауам итә. Был эштәр Атайсал өсөн изге ғәмәлдәр йылы сиктәрендә башҡарыла.

Ауылдың мәҙәниәт йорто янындағы Бөйөк Ватан һуғышында һәләк һәләк булғандар хөрмәтенә обелиск булған ерҙе лә яңырттылар. Өмәлә ҡатнашыусылар иҫке кәртәләрҙе алып, бағаналар ултыртты. Нуриян Саттаров иретеп-йәбештереү эштәрен башҡарҙы, фермер Илшат Ибраһимов техника менән ярҙам итте. Клуб хеҙмәткәрҙәре буяу менән мәшғүл булды. Ауылдың башҡа ир-аттары ла эшкә ихлас ҡушылды.

Ауыл халҡы “Салауат” крәҫтиән-фермер хужалығы директоры Василий Федоровҡа финанс ярҙамы, Нуғаҙаҡ ауыл хакимиәте башлығы Рушания Биктимероваға һәр башланғыста әүҙем булышлыҡ итеүе өсөн рәхмәт белдерә.