ОҪТА ҠУЛЛЫ ЗӨЛФИӘ

Ул Стәрлетамаҡ ҡалаһында үткән “Сауҙагәр-2” (“Купец-2") йәрминкәһендә ҡатнашты. “Туристик сувенир 2023" Бөтә Рәсәй конкурсының төбәк этабында үҙенең эштәре менән финалға сыҡты.

Үҙенең “Бәйләнештә” социаль селтәрендәге сәхифәһендә ул үҙенә ышанған дуҫтарына, яҡындарына рәхмәт белдерҙе.

• .Башҡортостандан төрлө авторҙарҙың 387 эше ҡуйылды. Комиссия ағзаларының минең йөндән эшләгән ижади эштәремде күргәндәре, баһалағандарына шатмын. Финалға биш эшем үтте: “Роза” тип аталған сумка, “Ҡусҡар” исеме менән өй аяҡ кейеме, йөндән һабын-мунсала, машина өсөн тәмле еҫ таратыусы машина һәм бал менән башҡорт айыуы. Шуларҙың өсөһө призлы урындарға лайыҡ булды.

Алда Зөлфиә Фәрит ҡыҙын конкурстың округ этабы көтә. Ул Йошкар-Олаға барасаҡ. Еңеүҙәр теләйбеҙ!