Районда экологик өмәләр бара

Үткән аҙна аҙағында бөтә рсепублика буйынса экологик өмәләр үтте. Был таҙалыҡ акцияһына Ауырғазы халҡы ла ҡушылды.

7 апрелдә тораҡ пункттарҙа санитар көндәр ойошторолдо. Был ҡар аҫтынан сыҡҡан сүптәрҙе йыйыу, тирә-яҡты төҙөкләндереү акцияһына хеҙмәт коллективтары, ауыл биләмәләре вәкилдәре ҡушылды.

Ғәҙәттә бындай экологик өмәләр апрелдә тирә-яҡты ҡарҙан таҙартыу менән башланып китә. Һуңынан сүп-сарҙан таҙартыу башлана.

Бындай өмәләр традицияға ингән. Учреждениелар, ойошмалар, мәктәптәр территориялары йыйнаҡланып китә. Һәр кем үҙенең йорт тирәһен таҙарта, матурлай.

Киләһе бөтә республика экология өмәһе 14 апрелдә үтәсәк.