Башҡортостан халҡы Халыҡ программаһына үҙ тәҡдимдәрен индерә ала

Дондағы Ростовта Берҙәм Рәсәйҙең «Һөҙөмтә бар!» икенсе отчет-программа форумы үтте. Көньяҡ федераль округының округ форумы темаһы - торлаҡ һәм уңайлы ҡала мөхите.

Форумда партияның Генераль советы секретары Владимир Якушев, Рәсәй Хөкүмәте рәйесе урынбаҫары Марат Хөснуллин, Көньяҡ федераль округ, Донбасс һәм Новороссия төбәктәре башлыҡтары, МХО ветерандары, «Берҙәм Рәсәй» активистары, төҙөлөш баҙары эксперттары, инженерҙар һәм архитекторҙар ҡатнашты.

Марат Хөснуллин Халыҡ программаһы буйынса отчет бирҙе. Уның һүҙҙәренсә, тышҡы саҡырыуҙарға ҡарамаҫтан, ил төҙөлөштә рекордлы күрһәткестәр күрһәтә, ә «Берҙәм Рәсәй» партияһы менән берлектә эшләү урындарҙа ҡарарҙарҙың һөҙөмтәлелеген тәьмин итә.

Ул шулай уҡ партияның төбәктәрҙә йәшәүселәрҙе төҙөкләндереүгә йәлеп итеүен иҫкә төшөрҙө: 2025 йылда объекттарҙы һайлауҙа 16,5 миллион кеше ҡатнашты. Шуларҙың 770 меңдән ашыуы - Башҡортостанда йәшәүселәр. Владимир Якушев билдәләүенсә, «Берҙәм Рәсәй» буш популизмға юл ҡуя алмай.

- Беҙ кешеләр алдында реаль бурыстарҙы үҙ өҫтөбөҙгә алабыҙ. Тап ошо иҫәбенә партия сирек быуат дауамында йәмғиәтте туплай. Рәсәй Президенты Владимир Владимирович Путиндың стратегик курсын алып барыусы булып тора, - тип өҫтәне Владимир Якушев.

Иҫегеҙгә төшөрәбеҙ, «Берҙәм Рәсәй» бөтә федераль округтарҙа Халыҡ программаһы буйынса отчет-программа форумдары серияһын ойоштора. Форумдар уның бөтә йүнәлештәренә арналған. Анализдан һәм эшкәртеүҙән һуң йыйылған тәҡдимдәр партияның буласаҡ программаһы нигеҙенә һалына. Башҡортостанда төбәк форумы 2026 йылдың 17 мартында үтәсәк.

Һәр кем яңы Халыҡ программаһына үҙ тәҡдимдәрен индерә ала. Бының өсөн уларҙы естьрезультат.рф (https://естьрезультат.рф/) сайтына ебәрергә кәрәк.

Фото: «Берҙәм Рәсәй».