“Колясканың уңайлы етештерелеүе өсөн тырышам”

24 – 25 октябрҙә Өфөлә “Торатау” конгресс-холында Һаулыҡ мөмкинлектәре сикләнгән кешеләр тураһындағы хәстәрлек йылындағы иң ҙур сараларҙың береһе – III “Ҡаршылыҡтарҙы еңеп” Бөтә Рәсәй форумы үткәрелә.

24 – 25 октябрҙә Өфөлә “Торатау” конгресс-холында Һаулыҡ мөмкинлектәре сикләнгән кешеләр тураһындағы хәстәрлек йылындағы иң ҙур сараларҙың береһе – III “Ҡаршылыҡтарҙы еңеп” Бөтә Рәсәй форумы үткәрелә. Сара һаулыҡ мөмкинлектәре сикләнгәндәрҙе реабилитациялауға арналған. Бында ошо өлкәләге һуңғы йылдарҙа уйлап сығарылып эшләнгән ҡорамалдар тәҡдим ителә, төрлө “түңәрәк өҫтәл”дәр, семинарҙар ойошторола, килешеүҙәр төҙөлә.

2021 йылдың авгусында “Ишембай машиналар эшләү заводы” яуаплылығы сикләнгән йәмғиәтенең етештереү майҙансыҡтарының береһендә һаулыҡ мөмкинлектәре сикләнгән кешеләр өсөн күп функциялы, уңайлы сит илдәге аналогтарынан ҡалышмаған коляскалар етештереү тураһында ҡарар ҡабул ителә.

– Был коляскаларҙы һаулыҡ мөмкинлектәре сикләнгән кешеләргә тәҡдим итәбеҙ. Ябайҙары уңайһыҙ, ә беҙҙә етештерелгәндәрҙе үҙең өсөн уңайлы итеп көйләп була. 2015 йылда йәрәхәтләнгәйнем, спортсы булараҡ, тырыштым һәм үҙем, башҡалар өсөн уңайлы коляска уйлап таптым, - тип белдерҙе “Ишембай машиналар төҙөү” яуаплылығы сикләнгән йәмғиәте белгесе Мехроб Назаров.

Завод етәксеһе Кирилл Данилин әйтеүенсә, Мехроб Рөстәм улы тормош һынауҙарын еңергә тырышҡан, спорт яратҡан кеше булараҡ, коляскаларҙың еңел, уңайлы, шәхсән ҡулланыусының талаптарына тура килтерерлек итеп эшләү өсөн үҙенең уй-фекерҙәрен әйтә һәм уларҙы етештереүҙә файҙаланырға тырышалар. Иң мөһиме – был коляскаларҙы файҙаланған кешенең уны үҙаллы ҡуллана алыуы тураһында хәстәрлек күрәләр.