Эшҡыуарлыҡ сәғәтендә ауырғазыларҙың туризм проекттары менән таныштылар

Район эшҡыуарҙары был өлкәгә ысын ҡыҙыҡһыныу күрһәтә. Улар үҙҙәренең бизнес-пландарын район хакимиәтендә аҙна һайын уҙғарылған эшҡыуарлыҡ сәғәттәрендә тәҡдим итә. Бөгөн туристик йүнәлешле дүрт проект әҙерләнә. Икеһе -грантты рәсмиләштереү стадияһында. Уларҙың береһе 10,5 миллион һумлыҡ ҙур грантҡа заявка бирә.

Сыбайтал ауылы быуаһы янында туристик база төҙөү буйынса күләмле бизнес-проектты Башҡортостан башлығы ҡарамағындағы Инвестиция сәғәтендә ҡарауға заявка бирелгән. Инвестициялар суммаһы 15 миллион һумдан ашыу тәшкил итә. «Йомаш» быуаһы янында глэмпингтар  һәм Кәбәс ауыл советы биләмәһендә балалар патриотик лагеры булдырыу эше бара. Инициация стадияһында Исмәғил ауылындағы ял базаһы. Проект авторы А-фрейм тибындағы тиҙ төҙөлә торған конструкцияларҙы, мунса-купелдәрҙе, мангаль зоналарҙы, балалар майҙансыҡтарын урынлаштырырға, шулай уҡ квадроциклдарҙа, спидвейҙарҙа «Вертолет мәмерйәһе»объектына, яҡын-тирәләге таулы һуҡмаҡтар буйлап маршруттар ойошторорға ниәтләй.

Талбазы эшҡыуары Ишле ауылында этнотуризмды үҫтереү идеяһын тәҡдим итте. Туҡай ауыл биләмәһендә йәшәүсе этноауыл төҙөү идеяһы менән илһамланды. Проект үҙ эсенә алпауыт усадьбаларын төҙөүҙе, Андреевка ауылындағы үҙенең тарихы менән билдәле ғибәҙәтханаға экскурсияларҙы ала.

Эшлекле ауырғазыларҙың идеялары һәм пландары күп. Тимәк, тиҙҙән туристик урындар артасаҡ! Иҫегеҙгә төшөрәбеҙ, район биләмәһендә Исмәғил ауылында берҙән-бер «Күл» ял базаһы эшләй.