АУЫРҒАЗЫ ДЕЛЕГАЦИЯҺЫ - МӘСКӘҮҘӘ

Бер майҙансыҡта  Рәсәйҙең 89 субъектынан 7,5 мең муниципалитет башлығы йыйылған. Эре һәм бәләкәй ауыл-ҡалалар вәкилдәре араһында Ауырғазы район хакимиәте башлығы Арслан Шәһәретдинов етәкселегендә беҙҙең райондың ете ауылы хакимиәте башлығынан торған делегация ла бар.

Эшлекле программа бик бай: федераль министрлыҡтар һәм ведомстволар етәкселәре ҡатнашлығында панель дискуссияларҙан башлап әйҙәүсе эксперттар менән осрашыуҙар, түңәрәк өҫтәлдәр, тәжрибә уртаҡлашыуға тиклем. Шулай уҡ экскурсиялар, мәҙәни саралар ҙа ҡаралған.