Почта йәшниктәрен кем алмаштырырға тейеш?

Эйе. Абоненттарҙың почта шкафтары - дөйөм йорт мөлкәте. Күп фатирлы йорттоң дөйөм мөлкәте составын билдәләү федераль ҡануниәт тарафынан көйләнә. Шуға күрә, йорт мөлкәте менән идара итеү килешеүендә почта йәшниктәре дөйөм мөлкәт составында телгә алынмаһа ла, был идара итеү компанияһын техник торошо насар булған почта йәшниктәрен ремонтлау йәки алмаштырыу бурысынан азат итмәй.

Почта йәшниктәрен төҙөлөш ойошмаһы ҡуя. Уларҙы һатып алыу һәм урынлаштырыу сығымдарын төҙөлөш сметаһына индерәләр. Йәшниктәрҙе хеҙмәтләндереү, ремонтлау һәм алмаштырыу торлаҡ йорт милекселәренә йәки торлаҡ-файҙаланыу ойошмаларына йөкмәтелә.

 Күп фатирлы йорттарҙың дөйөм мөлкәтен тейешле техник хәлдә тотоу идара итеүсе компания бурысына инә. Шулай итеп, әгәр почта йәшниктәре ремонтҡа йәки алмаштырыуға мохтаж икән, идара итеүсе компания милекселәр индергән түләүҙәр иҫәбенә уларҙы алмаштырырға тейеш.

#Аңлатабыҙ_Башҡортостан