Төрөмбәтем! Баҫып Өршәк ярҙарына...

(Рәшит НАЗАРОВ).

Төрөмбәтем! Баҫып Өршәк ярҙарына

Алыҫ-алыҫ ҡарайһың һин тауҙар аша.

Кемде көтөп тәҙрәләрен аса йорттар,

Кемде көтөп тирәк-талдар сафҡа баҫа?

Сафлыҡ менән тулышып торған һылыу ҡыҙҙай

Тау йүгерә ал яулығын һелкә-һелкә.

Ҡапыл күккә һикереп сыға алтын ҡояш,

Егеттәрсә күҙ уйнатып иркә-иркә.

О, ҡояшым! Баҡһа һиңә ауылым минең,

Уй, маҡсаты бергә ил,Ватан менән.

Өмөт юлы үтә һәр саҡ һинең аша,

Бәхет юлы һинең нур ул, - беләм, беләм...

Ер тетрәне тыңлап залпын “Аврора”ның,

Шыуып сыҡты ҡояш туптың көбәгенән,

Шыуып сыҡты тере, ҡайнар яра аша

Батырҙарҙың ҡояштан ҙур йөрәгенән.

Төрөмбәтем! Баҫып Өршәк ярҙарына

Алыҫ-алыҫ ҡарайһың һин тауҙар аша...

Аҙмы көбәк, шул ҡояшҡа күҙен төбәп,

Зәһәр бөркә күләгәгә ҡаса-ҡаса...

Мең-мең йөрәк типһә бергә – Ер күсереп

Бороп ҡуйыр, боҙҙан эрсеп бар ҡотопто.

Ауылғынам! Баҡ ҡояшҡа! Ватанға баҡ!

Бомбаларҙан ҡеүәтерәк йөрәк уты!

Фото: ru.glosbe.com

Читайте нас:

Телефон

834745 (2-18-45)

Электрон почта

[email protected]

Адресы

453480, Аургазинский район, с.Толбазы, ул.Первомайская,10

Реклама хеҙмәте

834745 (2-18-45)

Редакция

834745 (2-18-45)

Кадрҙар бүлеге

834745 (2-18-51)