+12 °С
Ямғыр
Бөтә яңылыҡтар
Общие статьи
8 Декабрь 2020, 00:45
АҒИҘЕЛ БУЙЫНДА
АҒИҘЕЛ БУЙЫНДА(Рәшит НАЗАРОВ).Ағиҙелкәй аға,АғиҙелкәйЯрҙарына ҡаға тулҡынын.Күк йөҙөнә ғашиҡ булған һымаҡ,Өнһөҙ ята күкһел тулҡыны.
Ағиҙелкәй аға,
Ағиҙелкәй
Ярҙарына ҡаға тулҡынын.
Күк йөҙөнә ғашиҡ булған һымаҡ,
Өнһөҙ ята күкһел тулҡыны.
Һәр көн һайын йәмле Ағиҙелдән
Аҡ ебәктәй томан ҡалҡына,
Ҡалҡына ла, иҫкән елгә ҡунып,
Йөҙөп бара урман артына.
Ағиҙелдең буйы – ҡара урман,
Урман арттарында – туғайлыҡ.
Унда – хуш еҫ, гөлдәр...
Йәшәүгә лә,
Хеҙмәткә лә шундай уңайлы!
Ә томандар, бында киләләр ҙә,
Ҡосоп алып баҫыу иңдәрен,
Төн буйына,
Алһыу таңға тиклем,
Тик торалар шунда тирбәлеп.
Көнсығышта нурҙар уйнаны иһә,
Ҡыҫыҡ тауҙар битен тарһынып,
Томан юҡҡа сыға,
Бүләк итеп
Кешеләргә ысыҡ тамсыһын.
Хеҙмәт тора төнгө сеременән
Ҡояш нурҙарына төрөнөп.
Ә гөлдәрҙең нәфис тәндәрендә
Йым-йым килә ынйы бөртөгө.
Һәм бер аҙҙан, Ағиҙелдең өҫтөн
Солғап алғас дәртле тулҡындар,
Яр ситендә ҡартлас тирәге лә
Һөйөнөстән бейеп ултыра!
Рәсемдә: Ағиҙел йылғаһы, Белорет районы.
Читайте нас:
© 2020-2024 Сайт издания "Рух" Копирование информации сайта разрешено только с письменного согласия администрации.
Телефон
834745 (2-18-45)
Электрон почта
Адресы
453480, Аургазинский район, с.Толбазы, ул.Первомайская,10
Реклама хеҙмәте
834745 (2-18-45)
Редакция
834745 (2-18-45)
Кадрҙар бүлеге
834745 (2-18-51)