Рух
-6 °С
Болотло
75 лет Победы
Бөтә яңылыҡтар
Общие статьи
20 Август 2020, 21:40

Ауырғазым – изге ерем...

1930 йылдың 20 авгусында Ауырғазы районы барлыҡҡа килә

1930 йылдың 20 авгусында Ауырғазы районы барлыҡҡа килә. Төрлө милләт халҡы йәшәгән районыбыҙҙың тарихы ла, мәҙәниәте лә бай, сағыу, үҙенсәлекле.
Ауырғазы халҡы үҙенең арҙаҡлы яҡташтары менән ғорурлана. Башҡортостандың беренсе осоусыһы Ғәли Ишмырҙин, мәшһүр шағир Рәшит Назаров, шағир Салауат Рәхмәтулла, яҙыусы, ғалим Ғәлимйән Ибраһимов, композитор Бәхти Ғайсин, Дан орденының тулы кавалерҙары Михаил Малахов, Николай Кобзев һәм башҡа бик күп шәхестәр тәрбиәләгән был бәрәкәтле ер.
Шағирҙары данлап шиғырҙар яҙған, йырсылары йырҙар ижад иткән, рәссамдары картиналар яҙған...
Һеҙҙең иғтибарға - Түрһәгәҙе ауылында тыуып үҫкән шағир, тәржемәсе Ғәлинур Батталовтың шиғыры.
Ауырғазым – изге ерем,
Ауырғазым – төйәгем.
Һиндә тәүге һулыш алдым,
Һиндә тибә йөрәгем.
Ауырғазым – муллыҡ иле,
Халыҡ уңған булғанға.
Ауырғазым – дуҫлыҡ иле,
Күңелең киң булғанға.
Ауырғазым – киңлек иле:
Бер ҡанатың – Өршәгең,
Бер ҡанатың – Ағиҙелең,
Яҡты бөгөн–кисәгең.
Ауырғазым йәйрәп ята, -
Даръяларға тиң бөгөн.
Килер, тыуыр көндәрҙә лә
Тыныс булһын, тим күгең.
Ауырғазым – гөлдәр иле,
Ауырғазым – сәсәгем.
Дуҫлыҡ, муллыҡ һәм изгелек
Яҡтыртһын киләсәгең!...
Ғәлинур БАТТАЛОВ.
Читайте нас в