Ай тылсымы

Ғалимдар билдәләүенсә, ай тулған мәлдә һәм унан алда 5-7 көн дауамында тамырҙарҙа ҡан ойошоу әүҙемләшә. Ул ҡуйырып, тромбозға бәйле инфаркт һәм инсульт хәүефе арта. Шуға ла, инфарктҡа, инсультҡа юл ҡуймаҫ өсөн, айырыуса өлкән йәштәгеләргә был көндәрҙә:

*көсөргәнешле, ауыр эштәрҙән баш тартырға, стрестан һаҡланырға;

*оҙағыраҡ йоҡларға (өлкәндәргә - 8-9 сәғәт, йәштәргә - 7-8 сәғәт), көндөҙ ҙә серем итеп алырға форсат табырға;

*ашауҙы сикләй төшөргә, аҙ-аҙлап 4-5 тапҡыр ашарға;

*ҡанды шыйығайтыусы аҙыҡ-түлекте (диңгеҙ кәбеҫтәһе, ҡара виноград, йөҙөм, ҡара ҡарағат, ҡара шоколад, һарымһаҡ, һуған һ.б.) күберәк ҡулланырға;

*шәкәр, ҡайнатма, аҡ икмәк кеүек тиҙ үҙләштерелә торған углеводтарҙы кәметергә;

*ҡыҙҙырылған, тоҙло аҙыҡтарҙан баш тартырға кәрәк.

Ай тулғас, унан һуңғы беренсе аҙна, киреһенсә, ҡан шыйыҡланып, тамырҙарҙы тултырып, көслө аҡҡан хәүефле осор. Эске ағзаларға ҡан һауыу, гемморагик инсульт ихтималы арта.

“Башҡортостан календары”нан.

Фото: yandex.com